STEPHEN H. SHUB PROFESSIONAL CORPORATION
BARRISTER, SOLICITOR, NOTARY
8 Toronto Area Law Offices Providing Legal Services in ONLY
Residential Real Estate, Title Insurance, Wills, Notary Services

Click for Locations & Maps
Click to Email Us
Tel:  (416) 222-1882
Fax: (416) 222-4277
Cell: (416) 520-6120
Incredible
Office Hours
Instant
Quotation
Testimonials FINTRAC *** HST *** Notary Services Home
Instant Quotation
About Us
8 Office Locations
Free Condo Status Review
Free Power of Attorney
Title Insurance
Existing Owner Title Insurance
First Time Home Buyers
Tax Credit
Electronic Registrations and
Choosing a Lawyer
Useful Forms and Offer Clauses
Principal Residence
Home Renovation Tax Credit
Land Transfer Tax: Ontario
Land Transfer Tax Refund: Ontario
Land Transfer Tax: City of Toronto
The Brick / Tasco
Notary Services
Closing Adjustments
GST Rebates: 3 Types When Buying From Builder
Mortgage Financing
RRSP Program
OHOSP: Ont. Savings Plan
TARION: New Home Warranty
Types Of Ownership
Insurance: 3 Types
SURVEYS: Are they required?
Utilities
Condo Rules
Condo Act Changes
Buying Condo from a
Builder: Watch out..
If you are selling...
If you are buying...
Key On Closing
Title Transfer
Moving Check List
Wills
Privacy Information
Copyright and Disclaimer
Contact Us/Comments
Top of Page
 

-----------------------------------------

Please click below for a FREE Quote:

Free Instant Online Quotation

-----------------------------------------

اگر آپ ایک رہائش گاہ خرید رہے ہیں

 

(a            کلوزنگ اور ازدواجی ساتھی کی رضامندی کےاقدامات کےبعد آپ کو ادائیگی

 

اس سے پہلےکہ خریدکےبعدکلوزنگ کی تاریخ پر وکیل چابیاں دےسکے، مارگیج لینڈرکو لازمی طور پرکلوزنگ فنڈز فراہم کرناہوں گے، کلوزنگ چیک لازماً سرٹیفائیڈ ہونے چاہئیں، فروخت کرنے والے اور خریدارکی طرف سے دستاویزات لازماً وکلاء کے ذریعے تبدیل کی جانی چاہئیں، اورلینڈرجسٹری آفس کی رجسٹریشن لازمی طور پر مکمل کی جانی چاہئیے۔ کلوزنگ والی تاریخ کو جب تک یہ تمام کاروائیاں مکمل ہوتی ہیں(تاکہ خریدارکو چابیاں دی جاسکیں)، یہ کلوزنگ والے دن عموماً سہ پہرتک اور اکثر سہ پہرتاخیرسے عموماً5:00بجےتک ہوگا۔ اسلئے اگر آپ کلوزنگ والےدن نقل مکانی کرکےگھر میں جارہے ہیں یا اپنی خریدی جانے والی رہائش گاہ میں کوئی کام وغیرہ کروانےکا بندوبست کررہے ہیں، تو ہم مشورہ دیتے ہیں کہ اگر آپ سامان لانے والوں کو فی گھنٹہ کے حساب سے اجرت ادا کررہے ہیں تو کلوزنگ والی تاریخ کو اپنا سامان لانے والوں کو سہ پہرکو ذرا تاخیر سے آنےکاکہیں تاکہ سامان کی نقل مکانی کے غیر ضروری اخراجات سے بچاجاسکے۔

 

اگر آپ کسی کانڈومینیئم میں نقل مکانی کر رہے ہیں جس میں لفٹوں کے استعمال کی ضرورت ہے، توکوئی لفٹ مخصوص کروانےکیلئے عمارت کی انتظامیہ کے دفترسے خاصہ پیشگی رابطہ کریں۔ بہترین طریقہ نقل مکانی کرنے سےکم ازکم ایک دن پہلےخریداری کو مکمل کرنا ہے، چونکہ، اگر آپ اپنی نقل مکانی کو خریداری مکمل کئے جانے والے دن شیڈول کرنےکی کوشش کریں گے، تو آپ کلوزنگ والی تاریخ کو ممکنہ طورپر دن کے آخری حصے سے پہلے رہائش کی چابی وصول نہیں کریں گے (تقریباً سہ پہر5:00بجے) ۔

 

(b            آ گ اور اشیاءکی انشورنس

 

رہائش گاہوں کی خریداری (جو کانڈومینیئمز نہیں ہیں) بغیر فائر انشورنس بائنڈرکے مکمل نہیں کی جاسکتی جو خریداری کا معاملہ طے ہونے سے پہلےخریدنے والوں کے وکیل کو فراہم کی جاتی ہے۔ اگر آپ ایک رہائش گاہ خرید رہے ہیں جو کہ کانڈومینیئم نہیں ہے، تو اس بات کو یقینی بنائیں کہ کلوزنگ سے پہلےآپ کا انشورنش ایجنٹ وکیل کو گارنٹڈ تبدیلی کی قیمت  کیلئےفائر انشورنس بائنڈر فیکس کردے۔

 

اگررہائش گاہ ایک کانڈومینیئم ہےتو، اگرچہ کانڈومینیئم کارپوریشن کے پاس تمام پراجیکٹ کی انشورنس ہوگی، پھربھی اپارٹمینٹ کے مالک کیلئے یہ ضروری ہےکہ وہ خریدے جانے والے اپارٹمینٹ کی اشیاء اور عوامی ذمہ داری کیلئے انشورنس کا بندوبست کرے۔ اس بات کو یقینی بنائیں کہ کلوزنگ والی تاریخ کو ایسی انشورنس کلوزنگ مؤثر ہونےسے پہلےکروالی جائے اور یہ کہ ایسی انشورنس کسی ڈی ڈکٹیبل کوکورکرتی ہو جوکانڈومینیئم کارپوریشن کو اس کی انشورنس کے تحت کسی کلیم کیلئے قابل ادائیگی بن سکتی ہے۔ کچھ صورتوں میں، بعض مارگیج لینڈرز اور بلڈرز کوکانڈومینیئم اپارٹمینٹ کی اشیاء اورقانونی ذمہ داری کیلئے کلوزنگ پر قبضہ مکمل کرنےسے پہلےانشورنس کی ضرورت ہوتی ہو۔

 

(c            کلوزنگ سے پہلےلاء آفس میں کلوزنگ چیکس اور اپوائنٹمینٹ

 

کلوزنگ سےتقریباً دو دن پہلے (یاجتنی جلدی ممکن ہوسکے، فروخت کرنے والوں کے وکیل کےکلوزنگ ایڈجسٹمینٹس کیلئے اسٹیٹمینٹ فراہم کرنےکےبعد اور مارگیج لینڈرکےخالص مارگیج فنڈزکی توثیق کےبعد جوکلوزنگ کیلئےفراہم کئے جاتے ہیں، ہمارا آفس کلوزنگ فنڈزکی اکاؤنٹنگ  مکمل کرنےکےقابل رہاہے) لاء آفس میں کلوزنگ کی دستاویزات پر دستخط کرنےکی اپوائنٹمینٹ کیلئے آپ سےرابطہ کیا جائے گا (ہمارے پاس شام کے اوقات اور یوم ہفتہ کے اوقات ہیں) اور، اپوائنٹمینٹ بنانےکے وقت، آپ سےکلوزنگ کیلئےدرکار چیکوں کی درخواست کی جائےگی۔ کلوزنگ کیلئےدرکارچیک لازمی طور پرسرٹیفائیڈ چیک یا بینک ڈرافٹ ہوناچاہئیےجو”S. SHUB, IN TRUST”کو قابل ادائیگی ہوناچاہئیے اور جسے اس لاء آفس میں وصول کیاجاتاہےکلوزنگ کی تاریخ سےکم ازکم 24گھنٹے پہلےتاکہ کلوزنگ کی مقررہ تاریخ پر ہم آپ کی خریداری مکمل کرنےکیلئےتیار ہو سکیں۔ 500.00 ڈالروں سے زائد نقد رقمیں قبول نہیں کی جائیں گی کیونکہ ہمارے پاس کیش لین دین کیلئےسیکورٹی نہیں ہے۔ جب کلوزنگ دستاویزات پر دستخط کیلئےملاقات ہوگی، تو آپ کے ساتھ مل کرتمام کلوزنگ ایڈجسٹمینٹس اور اخراجات کا مکمل طور پردوبارہ جائزہ لیاجائےگا۔

 

براہ مہربانی نوٹ فرمالیں کہ، اگر آپ شادی شدہ ہیں اور اگرخریدا جانے والا گھربنیادی رہائش گاہ ہوگی، اورجائیدادکسی ایک ازدواجی ساتھی کے نام رجسٹرکی جارہی ہے، تو پھر بھی دونوں ازدواجی ساتھی عام طور پرلازماً کلوزنگ کی دستاویزات پر اکٹھے مل کر دستخط کرتے ہیں۔

 

نوٹ:   کلوزنگ کی دستاویزات پر دستخط کرنے والی میٹنگ کے وقت، براہ مہربانی (لاء آفس میں اپنی آمد پر) استقبالیہ پرموجود فردکو اپنی تصویر والا شناخت نامہ (بلاغیر مؤثر پاسپورٹ، ڈرائیونگ لائسنس اور سوشل انشورنس کارڈ) دکھانےکیلئےتیار رہیں، جن کی ہر ایک لین دین کے مکمل کئےجانے سے پہلے فائل ریکارڈز کیلئے نقول تیارکی جائیں گی۔ اگرکوئی ایک فرد (جوکلوزنگ کے موقعہ پر لازمی طور پر دستخط کرےگا) موجود نہیں ہوگا، تو آپ کلوزنگ سے خاصہ پہلے اس سے مختار نامہ حاصل کرلیں۔

 

(d            قیمت خریداری کی کلوزنگ ایڈجسٹمینٹس

 

کلوزنگ کیلئےسرٹیفائیڈچیک جولانےکیلئے آپ کوکہاجائےگااس میں جو بھیکلوزنگ ایڈجسٹمینٹس قیمت خرید میں ہوں وہ شامل ہوں گی۔ آپ کا پرچیز اینڈ سیل کا ایگریمینٹ بیان کرتاہےکہ کلوزنگ کی تاریخ پرقیمت خریدکابیلنس سرٹیفائیڈ چیک کےذریعے ادا کیا جائےگاجو معمول کی ایڈجسٹمینٹس کے زیر اثر ہوگا۔ دوبارہ فروخت کئےجانےوالےگھرپر، ایڈجسٹمینٹس میں وہ اشیاء شامل ہوتی ہیں جن کی قیمتیں کلوزنگ سے بہت بعد تک فروخت کرنے والےکی طرف سے اداشدہ ہوتی ہیں جس کا فائدہ کلوزنگ کی تاریخ کے بعد خریدنے والےکو پہنچتاہے، اور فروخت کرنے والےکو ایڈجسٹمینٹ کےطورپرکلوزنگ کےموقع پرکریڈٹ کی صورت میں ادائیگی کی جاتی ہے۔ دوبارہ فروخت کئےجانے والےگھرپرکلوزنگ ایڈجسٹمینٹس کی کچھ مثالیں یہ ہیں کہ پہلےسے اداشدہ جائیدادکےٹیکس، پہلےسےاداشدہ کانڈومینیئم کی فیسیں(اگرخریدی گئی پراپرٹی کانڈومینیئم ہے)، اور ایندھن کےطور پر استعمال ہونےوالاتیل (اگرپراپرٹی کا فرنیس تیل سےجلنےوالاہے)۔ کسی تعمیراتی کمپنی سےخریدےگئےنئےگھرپر، کلوزنگ ایڈجسٹمینٹس پرانےگھرسےزیادہ ہوتی ہیں چونکہ ایڈجسٹمینٹس (جب تعمیراتی کمپنی سے خریدرہےہوں) میں بجلی اور پانی کے میٹروں کی تنصیب کے اخراجات، اونٹاریونیو ہوم وارنٹی انرولمینٹ فیس اور بہت سے دوسری چیزیں جو عام طور پر ایڈجسٹ نہیں کی جاتیں جب کوئی پرانی پراپرٹی خریدتاہے۔

 

(e            مارگیج فنانسنگ

 

ہوشیار رہیں کہ اگر آپ انشؤرڈ مارگیج کا بندوبست کر رہے ہیں(جب آپ کی نقدڈاؤن پیمینٹ خریداری کی قیمت کے20% سےکم ہو)، مارگیج لینڈر(کلوزنگ کے موقع پر) مارگیج ایڈوانس کی رقم میں سےمخصوص کٹوتی کرےگا۔ براہ مہربانی توثیق کریں کہ کتنی قیمتوں کی کٹوتی ہوگی۔ (مثال کےطورپر :  8% مارگیج انشورنس پریمیئم پر صوبائی سیلز ٹیکس، تخمینہ کاری کی فیس، پراپرٹی ٹیکس ہولڈبیک یا سودکی ایڈجسٹمینٹ، اگرکوئی ہو) ۔ اگرسودےکےلین دین کی کلوزنگ کے موقع پرمختارنامہ استعمال کیاجارہاہے، تومختارنامےکےاستعمال کے لئےلازمی طور پرلینڈرسےتحریری پیشگی منظوری حاصل کریں اور آپ کو اس ویب سائٹ پردئیےگئے “Free Power Of Attorney”کی دستاویزات کی شرائط لازماً پوری کرناہوں گی۔

 

کسی بھی مارگیج فنانسنگ کابندوبست کرنا آپ کی ذمہ داری ہے، جس کی آپ کوخریداری مکمل کرنےکیلئےضرورت ہوسکتی ہے۔ جب آپ مارگیج کابندوبست کرلیں، توپھر یہ آپ کی ذمہ داری ہوگی کہ:

 

(1)           لینڈرکی کسی بھی خصوصی ضروریات کو پوراکرنا (مثلاً اگرمارگیج لینڈرکو ٖضرورت ہو تو اس صورت میں، آمدنی کاثبوت، نقدڈاؤن پیمینٹ کی ادائیگیوں کا ثبوت، کسی بھی دیگر ڈیبٹ ادائیگیوں کی ذمہ داری، وغیرہ۔) تاکہ کلوزنگ والے دن مالی مشکلات سے بچا جاسکے؛

 

(2)          براہ مہربانی مارگیج لینڈرکےساتھ توثیق کریں کہ مارگیج کی ہدایات ہمارے دفترکوبھیج دی گئیں ہیں تاکہ ہم کلوزنگ کیلئے آپ کی مارگیج فنانسنگ کے طریق عمل کو سرانجام دےسکیں۔

 

(f             دوستوں اور رشتہ داروں سے غیر رسمی ادھار

 

خریداری مکمل کرنےکیلئے، اگر آپ کا کسی رشتہ دار یا دوست سےکوئی ادھارپیسہ لینےکاارادہ ہے(غیر رسمی طریقےسے)، تو آپ کو ان انتظامات کےتحریرکئےجانےکی حوصلہ افزائی کرنی چاہئیےتاکہ مستقبل کی کسی غلط فہمی سےبچاجاسکےاور اس پیسےکوخریدی جانے والی پراپرٹی کے مقابل سیکورٹی رجسٹرکروانےکےذریعےمحفوظ کیاجاناچاہئیے۔ ایسےکسی ادھاردینے والےکی حوصلہ افزائی کی جاتی ہےکہ جب وہ ادھاردے رہے ہوں تو اپنےطور پرقانونی مشورہ حاصل کرلیں۔

 

(g            اگرکلوزنگ کے فنڈز ایک حصہ دارفراہم کر رہا ہو

 

اگرسودےکاری کاکوئی شراکت دارنقد رقم کی ڈاؤن پیمینٹ کا زیادہ حصہ فراہم کر رہا ہو(دوسرےشراکت دارسے)، خواہ ایسے فنڈفراہم کرنے والاشراکت دارمرکزی مالک کےطور پر رجسٹرڈ ہو رہا ہو یا نہیں، پرزورطور پرتجویزکیاجاتاہےکہ آپ پارٹنر شپ ایگریمینٹ کی تیاری کیلئے ہمارے آفس کوتحریری ہدایات  فراہم کریں(مثالی طور پر 50.00 ڈالر) اور سودا کاری کا ہرشراکت دار اپنےطور پر قانونی مشورہ حاصل کرے۔

               

(h            ملکیتی رجسٹریشن کیلئے نام

 

براہ مہربانی ہمیں بتائیےکہ آپ پراپرٹی پرحق ملکیتی کیسےرکھناچاہتے ہیں۔ براہ مہربانی نوٹ کرلیں کہ لینڈ رجسٹری کی دستاویزات میں آپ اپنےنام کیلئےمختصردستخط نہیں کر سکتے۔ ہرشخص جو جائیداد پرحق ملکیتی حاصل کرتاہےاس کی تاریخ پیدائش درکارہے۔

 

براہ مہربانی نوٹ کریں کہ، اگر پراپرٹی ایک ازدواجی ساتھی کے نام پر رجسٹرکروائی جارہی ہے، اگرآپ شادی شدہ ہیں اور اگرخریداجانےوالا گھر مرکزی رہائش گاہ ہوگی، تو عموماً دونوں ازدواجی ساتھی لازمی طور پرکلوزنگ کےموقع پردستاویزات پر دستخط کرنےکیلئے آتے ہیں۔

 

جہاں حق ملکیتی "متحد رہائشی" رکھا جائے اور دونوں مالکوں میں سےکوئی ایک وفات پاجاتاہے، تو بقیدحیات مشترکہ مالک خودبخود پراپرٹی کا مالک بن جاتاہےقطع نظراس کےکہ آخری وصیت اور دستاویزات کیا بیان کرتی ہیں۔ یہ طریقہ زیادہ تر ازدواجی ساتھیوں کے حق ملکیت کیلئے استعمال ہوتاہے۔ تاہم، جہاں حق ملکیت "مشترکہ رہائشی" رکھا گیاہو اور ان میں سےکوئی ایک مالک وفات پاجاتاہے، تو وفات پاجانےوالےمالک کےمفادات وفات پاجانے والےکی آخری وصیت اور دستاویزات کےمطابق مفادات حاصل کرنے والےکو منتقل ہوجاتے ہیں۔

 

اگر حق ملکیت پرایک سےزائد افراد ڈالےجائیں گے(شادی شدہ جوڑے نہیں) اور اگر صرف ایک فردخریداری کیلئے درکار تمام رقم، یا اس کا ایک بڑا حصہ فراہم کررہا ہے، تو آپ کی خواہش ہوسکتی ہےکہ مستقبل میں کسی غلط فہمی سےبچنےکیلئے، حصہ داری کےلحاظ سےملکیت، ماہانہ carrying costs کے بارے میں آپ کی انفرادی ذمہ داریوں اور پراپرٹی کو انجام کار بیچنےکی صورت میں خالص بچت کی تقسیم کے بارے میں ایک خاص ایگریمینٹ تحریرکیاجائے۔ اگرآپ چاہیتے ہیں کہ جب آپ کلوزنگ کےموقع دستاویزات پر دستخط کرنےکے موقع پر  دستخطوں کیلئے ایک ایسا ایگریمینٹ تیارکیاجائے، توبراہ مہربانی اس آفس کو مطلع کریں(ایسے مخصوص ایگریمینٹ کیلئےہماری فیس مبلغ50.00 ڈالرہیں) ۔ ہرخریدارکیلئے ایساایگریمینٹ کرنےسے پہلےاپنےطور پرقانونی مشورہ حاصل کرلینے پرغورکرنا بھی قرین مصلحت ہے۔

 

(i          حق ملکیت کی انشورنس

 

ہم تمام خریداروں کیلئےحق ملکیت کی انشورنس پالیسی تجویزکرتے ہیں جو حق ملکیت میں نقص، سروےکےمسائل، قانونی دعویٰ، ورک آرڈرز، فراڈ، جعل سازی، وغیرہ کےخلاف حق ملکیت کوتحفظ فراہم کرتی ہے، جیساکہ PLATINUM TITLE انشورنس پالیسی میں فراہم کیا گیاہےجوکہ FIRST CANADIAN TITLE INSURANCE COMPANYنے جاری کی ہے۔ خریداری کی کلوزنگ کےبعدآپ کو ٹائٹل پالیسی کاآرڈر بھیجا جائےگا، اور ایسی پالیسی آپ کی رہائشی ملکیت کےتمام عرصہ میں کارآمد رہےگی، قطع نظر اس کےکہ آپ کے پاس پراپرٹی کی ملکیت کتنے سالوں سے ہے۔ اگر آپ ٹائٹل انشورنس کا آرڈر نہیں دیناچاہتے، تو آپ لازماً تحریری طور پرکلوزنگ سے کم ازکم ایک ہفتہ پہلے ہمارے آفس کو مطلع کردیں۔

 

(j             اگر آپ نےکسی تعمیراتی کمپنی سے خریداری کی ہے

 

اگر آپ نے نئی تعمیر شدہ رہائش گاہ خریدی ہے، تو آپ کو چاہئیےکہ کلوزنگ سے پہلے معائنہ کرنے اور ایسے معاملات کی فہرست تیار کرنےکیلئےجن پرتعمیرات کرنے والےکی توجہ درکارہے، پراپرٹی کادورہ کریں۔ تعمیرات کرنے والےکےنمائندےکےساتھ معائنےکی اپوائنٹمینٹ کاوقت لازمی طور پر آپ کو مقررکرنا چاہئیے۔ اس وقت،TARION وارنٹی پروگرام کے تحت تعمیرات کرنےوالےکی طرف سےسپردگی  کیلئے آپ سرٹیفیکیٹ آف کمپلیشن اینڈ پوسیشن مکمل کریں گے۔ تمام قابل ذکراشیاء کو نوٹ کیاجاناچاہئیے۔ جاری شدہ وارنٹی سرٹیفیکیٹ آپ کو وصول کرناچاہئیے اور اس کی ایک نقل کلوزنگ سے پہلے ہمارے آفس کو فراہم کی جانی چاہئیے۔

 

نئےتعمیرشدہ گھرکےخریدارکی حیثیت سے، وارنٹی پروگرام کےبموجب آپ متعددحقوق رکھتے ہیں اور، خاص طور پر، ایسی شرائط ہیں جن کےتحت آپ تعمیرکی مجوزہ اشیاءکی تکمیل یامرمت کیلئےمجبورکرسکتے ہیں۔ خودکو اپنےحقوق اور طریقہ کار اور وقت جس کے اندر اندر ان  کا نفاذہوناچاہئیے، واقفیت کیلئے، اس ویب سائٹ پر جائیں www.tarion.com یایہاں رابطہ کریں5150 Yonge St., concourse level, Toronto, Ontario, M2N 6L8(ینگ سٹریٹ اور پارک ہوم کےکونے پر) فون۔ 1-800-668-0124

 

k)                   یوٹیلیٹیز اور کیبل ٹی وی اور نقل مکانی کی فہرست حوالہ

 

باخبر رہیں کہ کلوزنگ والےدن خریدارکی معلومات کیلئے اور بجلی کے میٹرکوپڑھنےکے بندوبست کیلئےبجلی کے زیادہ ترمحکمے(یا میٹرچیک کرنےوالی سروسیں) اب مزیدکسی وکیل کی چٹھی قبول نہیں کرتے تاکہ فروخت کرنےوالےسےکلوزنگ والےدن تک وصولی کی جاسکےمع خریدنے والےکوکلوزنگ والےدن کےبعدبل بھیجنےکے۔ بحیثت خریدار، آپ کو اپنےطور پرلازماً یہ انتظامات کرناہوں گے۔ اگرچہ ہمارا آفس کچھ محکموں کوکسی بھی میٹروں کے پڑھنےکی اطلاع دےگا، آپ لازمی طور پر ایسےکسی بھی محکموں سے فائنل میٹرریڈنگ کےانتظامات کی توثیق کیلئے رابطہ کریں۔ ایسےکسی بھی میٹروں کو خریداری مکمل ہونےکی تاریخ کےبعد پڑھاجائےگاتاکہ آپ صرف کلوزنگ کی تاریخ کےبعد یوٹیلیٹی اکاؤنٹوں کی ادائیگی کے ذمہ دار ہوسکیں۔ پانی، بجلی اورگیس کےزیادہ ترٹیلیفون نمبروں (ٹورانٹوکےاردگردکےعلاقےمیں)کےلئےاس ویب سائٹ پرہمارے ہوم پیج کےلنک "UTILITIES" پرکلک کریں۔

 

اگر آپ کے پاس کیبل ٹی وی ہے، تو براہ مہربانی کیبل کمپنی کو اپنی نقل مکانی کے بارے میں بتائیں۔ آپ کوٹیلفون سروس جاری کروانے کیلئے بھی لازمی طور پر بندوبست کرنا پڑےگا۔

 

جوپراپرٹی آپ خرید رہے ہیں اگر اس کی واٹرسپلائی کاذریعہ ایک کنواں ہے (بجائےسٹی کی واٹرسپلائی کے) تو اپنے مقامی ہیلتھ ڈیپارٹمینٹ (416-235-5952) سے واٹرسیمپل کِٹ حاصل کرنا آپ کی ذمہ داری ہے؛ تاکہ جو پراپرٹی آپ خریدرہے ہیں وہاں جائیں اور پانی کا سیمپل حاصل کریں؛ پھرہیلتھ ڈیپارٹمینٹ میں جائیں اورتوثیق کروائیں کہ پانی آلودگی سے پاک ہے۔

 

نقل مکانی کی فہرست حوالہ کیلئےاس ویب سائٹ پر ہمارےہوم پیج کےلنک MOVING CHECK LIST پرکلک کریں۔

 

(l              اگر آپ ایک کانڈومینیئم خرید رہے ہیں

 

(1)           کانڈومینیئم کے اصول

 

یہ اصولوں کی انواع کےبارےمیں ایک تنبیہہ ہےجو بہت سےکانڈومینیئمز پر اثر انداز ہوتی ہیں۔ اگرآپ ان اصولوں کے بارے میں فکر مند ہیں جوکانڈومینیئم کارپوریشن وہاں نافذکرتی ہےجہاں آپ کاخریدا ہوا یونٹ واقع ہے، تو ہم تجویز دیتے ہیں کہ آپ پراپرٹی مینیجمینٹ کےدفترسے فوری طور پررابطہ کریں۔

 

کچھ اصولوں کی انواع مندرجہ ذیل قسم کی اشیاء سےتعلق رکھتی ہیں:  

 

(i)            آوازکی ترسیل کوکم کرنےکیلئےمختلف اقسام کےفرشوں پرقالین بچھانا؛ یا ہارڈ وڈ کےفرش تیارنہ کرواسکنا (تاوقتیکہ انتظامیہ کی تحریری رضامندی حاصل کرلی جائے)

 

(ii)           بالکونیوں میں باربیکیو نہیں کیا جاسکتا

(iii)          کوئی سیٹلائٹ ڈش نہیں(عام علاقے والا کیبل ٹی وی سسٹم درکارہے)

(iv)          تجارتی یا تفریحی گاڑیوں کی پارکنگ کی اجازت نہیں

(v)           بعض اوقات نقل مکانی کیلئے ایلیویٹرزکےاستعمال کیلئےمقررہ اوقات ہیں، انہیں مخصوص کروانے اور/یا سیکورٹی کی رقم جمع کروانےکی ضرورت ہے۔ اگر آپ ایک کانڈومینیئم خرید رہے ہیں جہاں آپ کی نقل مکانی کیلئےکوئی ایلیویٹر یا لوڈنگ ایرئیےکا استعمال لازم ہے، تونقل مکانی کیلئےمخصوص کروانےکیلئے جتنی جلدی ممکن ہوسکےمینیجمینٹ آفس سے رابطہ قائم کریں۔

(vi)          کانڈومینیئم یونٹوں کے اندر اندرکوئی آفس، تجارت یاکاروباری استعمال نہیں ہیں
 

(vii)         پالتوجانور پر پابندیاں جس کا جانورکی قسم، جانوروں کی تعداداور جانورکے وزن سےتعلق ہوسکتاہے

(viii)        کھڑکیوں کے پردوں کےرنگوں کی نوعیت، (وہائٹ یا آف وہائٹ) جیسےکہ عمارت کےباہرسے دیکھاجاسکتاہے

(ix)          بیرونی صحن میں پودےلگانایا اس کے دیگر استعمال
  

(x)           بیرونی دروازوں کو نقصان پہنچنےکی صورت میں مالک کی ذمہ داری، بمع گیراج کے دروازے اور/یا اضافی اشیاء جیسےکہ مرکزی ہوا، چولہے، وغیرہ
 

(xi)          موسیقی کے آلات سے پیداشدہ شور
 

(xii)         اگر آپ کا کرایہ پر چڑھانےکا ارادہ ہے، تومختصرعرصہ کیلئےکرایہ پردینے پر پابندی اور دیگرکرایہ داری کی ضروریات

اگر آپ اپنےکانڈومینیئم پراثرانداز ہونے والےکسی مخصوص اصول کی تعمیل نہیں کرتے، توکارپوریشن کوحق حاصل ہےکہ عدالتی حکم نامہ لے آئےجس میں یونٹ کےمالک کیلئے تعمیل کرنے اور قانونی لاگتوں کی ادائیگی کرنےکاحکم ہو۔ اگر آپ کا اپنے یونٹ کوکرایہ پرچڑھانےکا ارادہ ہے، توٹینینسی ایگریمینٹ میں ایک شق داخل کریں کہ کرایہ دارتمام اصولوں اور کارپوریشن کےضمنی اصولوں کی پابندی کرےگا۔

(2)          کانڈومینیئم کی عام جگہ پر تبدیلیاں اور یونٹ میں اندرونی تبدیلیاں

کانڈومینیئم ایکٹ آف اونٹاریوکہتاہےکہ بورڈ آف ڈائریکٹرزکی رضامندی کےبغیر اور پہلےکم ازکم یونٹ مالکان کی اکثریت سےرضامندی حاصل کئےبغیرعام جگہوں پرتبدیلیاں نہیں کی جاسکتیں، بمع خصوصی طور پر استعمال کی جانےوالی عام جگہیں۔ چنانچہ، اگر آپ دیکھتے ہیں کہ آپ کےمخصوص یونٹ کی عام جگہوں پرکوئی تبدیلیاں کی گئی ہیں، جیسےکہ مرکزی ائیرکنڈیشن کا یونٹ، ڈیک کی تعمیر، گارڈن شیڈ یا جنگلہ، یابالکونی کی احاطہ بندی، توبراہ مہربانی کلوزنگ سے پہلے اس بات کی تصدیق کرنےکیلئےکانڈومینیئم بلڈنگ کی انتظامیہ سے براہ راست رابطہ کریں کہ کیاایسی تبدیلیوں کیلئے رضامندی حاصل کرلی گئی تھی یاجب پراپرٹی اصل میں تعمیرکی گئی تھی اس وقت تعمیراتی کمپنی نے اصل میں تنصیب کی تھی۔ اسی طرح، اگر آپ عام جگہوں پر کوئی بیرونی تبدیلیاں کرناچاہتے ہیں، تو آپ کو پہلےلازمی طور پر بورڈ آف ڈائریکٹرسے رضامندی (تحریری طور پر) حاصل کرنااورکانڈومینیئم ایکٹ کی شرائط پوری کرنا ہوں گی اور اسی طرح دوسرےیونٹ کےمالکان کی رضامندی حاصل کرناہوگی۔ اگر آپ یونٹ کے معائنےکیلئےکانڈومینیئم کی انتظامیہ کےمعائنےکابندوبست کرناچاہتے ہیں تاکہ توثیق کی جا سکےکہ کسی فروخت کرنےوالے یا اس سے پہلے والےمالک نےکوئی ناجائز تبدیلیاں نہیں کیں، توبراہ مہربانی انتظامیہ سے براہ راست رابطہ کریں۔

 

اگر آپ پر یہ ظاہر ہوکہ فروخت کرنے والا یونٹ میں اندرونی یا عام جگہ پرتبدیلیاں کرچکاہے، تو ہم تجویز دیتے ہیں کہ آپ انتظامیہ سے پوچھیں کہ آیا انتظامیہ نے ایسی تبدیلیوں کی منظوری دی تھی یانہیں۔ اگرکوئی خریدارتبدیلیاں کرنا چاہتاہے، تو انتظامیہ سےتحریری اجازت نامہ لازمی طور پر حاصل کیاجاناچاہئیے۔

 

(m)         وصیتیں

 

چونکہ آپ غیرمنقولہ جائیدادخریدرہے ہیں، تو آپ کو اس موقع پر ایک وصیت تیارکرنے پرغورکرنا چاہئیے۔ وصیت کی تیاری میں لوگوں کی تاخیر ایک نارمل سی بات ہے؛ تاہم،75.00 ڈالرفی کس(اگرکوئی شادی شدہ جوڑاہے) یا88.00 ڈالر(اگرکوئی غیر شادی شدہ ہے)کی اضافی رقم ان اضافی اخراجات کےمقابلے میں بہت تھوڑی ہےجو وصیت نہ ہونےکی صورت میں کسی غیرمنقولہ جائیدادکےنظم ونسق کیلئےبرداشت کرنا پڑتی ہے۔ ہدایات اور اخراجات کے بارے میں مزیدمعلومات کیلئے، براہ مہربانی ہماری ویب سائٹ کے ہوم پیج پرلنک WILLS پر جائیں یا ہمارے آفس سے اس فون نمبرپر رابطہ کریں416-222-1882

-----------------------------------------

مفتQuoteکیلئےبراہ مہربانی نیچےکلک کریں:

 

-----------------------------------------

Please click below for a FREE Quote

Free Instant Online Quotation

-----------------------------------------

اگر آپ ایک رہائش گاہ فروخت کر رہے ہیں

(a)           کلوزنگ اور ازدواجی ساتھی کی رضامندی کے بعد آپ کو آمدن کی ادائیگی

براہ مہربانی اس بات سے آگاہ رہیں کہ، مثالی طور پر، سیل کی خالص آمدن آپ کی سیل کی کلوزنگ کے بعدتقریباً 1 بجے بعد دوپہرہفتہ میں کاروبار والےدن سرٹیفائیڈ چیک کے ذریعے دستیاب ہوتی ہے جو رجسٹرڈ مالکان کو واجب الاداہے۔ اگرخریدارکا ڈیپازٹ، جوجائیدادکی خریدوفرخت کرنے والےکے پاس(بھروسےکےطور) پر جمع کروایاگیاہوتاہےجب تک کہ سیل مکمل ہوجائے، جائیدادکی خریدوفرخت کرنے والےکےکمیشن جمع (جی۔ ایس۔ ٹی۔) سے زیادہ ہو جائے، تو اس ڈیپازٹ کی کوئی بھی اضافی رقم سودامکمل ہونے کے بعد جائیدادکی خریدوفرخت کرنے والےسےبراہ راست آپ کو واپس مل جائےگی۔ اس بات سے آگاہ رہیں کہ ایسی صورت احوال میں جہاں فروخت مکمل کرنےکیلئےمختارنامہ استعمال کیارہا ہو، وہاں سیل کی خالص آمدن پھر بھی رجسٹرڈ مالک (مالکان)کو ہی واجب الادا ہوگی اور اس شخص کو نہیں جس کےنام پرمختارنامہ ہو۔

اگردو یا دو سے زیادہ افرادکسی پراپرٹی کو فروخت کر رہےہیں، تو ہم آپ سے (کلوزنگ سے پہلے) تحریری طور پرتوثیق کرنےکوکہیں گےکہ ہمیں بتائیں کہ سیل کی خالص آمدن کیسے واجب الادا ہوگی آیاکہ آپ ہر مالک/فروخت کرنے والےکیلئے علیحدہ چیک چاہتے ہیں؛ بصورت دیگر، آپ کو ساری نیٹ سیل کی آمدن کیلئے ایک سرٹیفائیڈ چیک اپنی سیل کی کلوزنگ کے بعد تقریباً 1بجے بعددوپہرہفتہ میں کاروبار والے دن فراہم کیا جائےگا جو تمام رجسٹرڈ مالکان کو واجب الادا ہوتاہے۔ اگر آپ ہر مالک کیلئے علیحدہ چیکوں کو ترجیح دیتے ہیں، تو آپ کو ایسے فنڈزکوکیسے تقسیم کرنا ہےکے بارے میں ہمارےلاء آفس کو تحریری طور پرہدایات دینےسے پہلے اپنےطورپرقانونی مشورہ حاصل کرنےکے متعلق غورکرنا چاہیئے۔  

 

اگر فروخت شدہ پراپرٹی کی ملکیت صرف ایک فریق ازدواجی ساتھی کے نام پر ہے لیکن گھر ازدواجی گھر رہ چکا ہے، تو دوسرے ازدواجی ساتھی کو (جو رجسٹرڈ مالک نہیں ہے)لازماً نہ صرف کلوزنگ سے پہلے سیل کی تکمیل کے اجازت نامے پر دستخط (خریدار کو جائیداد منتقل کرنے والی دستاویز پر دستخط) کرنےکیلئے ہمارے آفس تشریف لانا ہے بلکہ ہدایت نامے پر بھی دستخط کرنے ہیں کہ تمام نیٹ سیل کی کاروائیاں اس ازدواجی ساتھی کو واجب الادا ہیں جو رجسٹرڈ مالک ہے (اس قسم کی صورت حال میں، ہم اس بات کا مشورہ دیتے ہیں کہ دستخط کرنے سے پہلے منظوری دینے والے ازدواجی ساتھی کو جدا گانہ قانونی مشورہ حاصل کرنا چاہیئے)؛ بصورت دیگر، سیل کی خالص آمدن دونوں ازداجی ساتھیوں کو اداکی جائےگی چاہے ایک ازدواجی ساتھی ہی رجسٹرڈ مالک کیوں نہ ہو۔ یہ قاعدہ صرف اس پراپرٹی پرلاگو ہوتا ہے جو ازدواجی گھر ہو اور اس پراپرٹی پرلاگو نہیں ہوتا جو ہمیشہ ایک سرمایہ کاری کے طور پرتھی، جس صورت میں کسی بھی ازدواجی ساتھی کے اجازت نامےکی ضرورت نہیں ہے۔

    

 (b)       آپ کی موجودہ فائیر انشورنس کی منسوخی اور 30 دنوں سے زیادہ خالی پراپرٹی          

 

براہ مہربانی اپنی فائیر انشورنس کی پالیسی کو منسوخ کرنےکیلئےکسی قسم کے اقدامات نہ کریں جبتکہ آپ اس آفس سے تصدیق نہ کر لیں کہ آپ کی سیل، درحقیقت، مکمل ہو چکی ہے۔ اس بات سے بھی آگاہ رہیں کہ اگر جوپراپرٹی آپ فروخت کر رہے ہیں وہ کلوزنگ کی تاریخ سے پہلے30 دنوں سے زیادہ کیلئے خالی رہےگی (یا کسی بھی توسیع کردہ کلوزنگ کی تاریخ کیلئے)، تو آپ کو کلوزنگ سے پہلےلازماً فائیر انشورنس کمپنی کو خالی رہنے والے وقت میں اضافی خطرےکوکورکرنےکیلئےمطلع کرنا چاہئیے۔

 

 (c)       کلوزنگ سے پہلے لاء آفس میں آپ کی اپوائنٹمینٹ

 

کلوزنگ سےتقریباً دو دن پہلےلاء آفس میں کلوزنگ کی دستاویزات پردستخط کرنےکیلئےتشریف لانےکے متعلق آپ سے رابطہ کیا جائےگا (شام اور بروزہفتہ کے اوقات دستیاب ہیں)۔ براہ مہربانی اس وقت اس آفس میں فروخت شدہ پراپرٹی کی کم از کم ایک چابی چھوڑ کر جانے کیلئےتیار رہیں۔کلوزنگ کی دستاویزات پردستخط کیلئے ہماری ملاقات کے وقت، براہ مہربانی (ہمارے آفس تشریف لانے پر) ہمارے استقبالیہ پرموجودفردکو اپنی ذاتی بلامعیادکےخاتمے والی تصویری شناخت دکھانےکیلئےتیار رہیں جس کی ہماری فائل کے ریکارڈزمیں رکھنےکیلئےفوٹو کاپی کی جائےگی۔ اب یہ طریقہ کار ہمارے آفس کےذریعے ہونے والے ہرلین دین کو سرانجام دینےسے پہلےدرکار ہے۔    

 

اگر آپ آفس میں دستخط کرنےکیلئے شام کویا ہفتہ کے روزاپوائنٹمینٹ پر آرہے ہیں اور، اگر آپ کو انگریزی بولنےمیں مشکل در پیش ہے، تو اپنے ساتھ ایک ترجمان لازمی طور پرہمراہ لائیں۔ اگر آپ آفس کے معمول کے دن کے اوقات میں ترجمان فراہم کرنےکیلئے ہمارے آفس پر انحصارکر رہے ہیں، تو براہ مہربانی توثیق کرلیں(کلوزنگ کی اپوائنٹمینٹ کابندوبست کرتے وقت)کہ آیا ہمارے آفس کا ترجمان دستیاب ہو گا؛ بصورت دیگر، آپ کو اپنےترجمان کا بندوبست خودکرناچاہئیے(شائد آپ کا رئیل اسٹیٹ ایجنٹ) جوکلوزنگ کی اپوائنٹمینٹ پر ہمارےلاء آفس میں آپ کے ساتھ آئے۔

 

(d)           اگر کلوزنگ کیلئےمختارنامہ استعمال کیا جا رہا ہے

 

اگر آپ کلوزنگ کی دستاویزات پر دستخط کرنےکیلئےاپنی جگہ کسی دوسرے شخص کو اختیاردےکرمختارنامےکے استعمال کےذریعے سیل کو مکمل کر رہے ہیں، تو سیل کی تمام خالص آمدن تب بھی صرف رجسٹرڈ مالک (مالکان)کو ہی واجب الاد ہوگی۔

 

کلوزنگ کیلئے استعمال ہونے والےکسی بھی مختارنامےکابندوبست، لازماًکلوزنگ سے بہت پہلےکیاجانا چاہئیے۔ FREE POWER OF ATTORNEY.کیلئے یہاں کلک کریں۔

 

(e)        اگر فروخت کنندہ کینیڈا کا رہائشی نہیں ہے

 

اگرکلوزنگ کے وقت، آپ کینیڈاکے رہائشی نہیں ہوں گے ، تو براہ مہربانی ہمارے آفس سے غیررہائشی فروخت کنندگان کےطریقہ کار پر بات چیت کیلئے رابطہ کریں۔

 

(f)         یوٹیلیٹیز، کیبل ٹی وی اور نقل مکانی کی فہرست حوالہ

 

آپ لازمی طور پرتمام قابل اطلاق محکموں سے فائنل میٹرریڈنگ کےانتظامات کی توثیق کیلئے رابطہ کریں۔ ایسےکسی بھی میٹروں کو خریداری مکمل ہونےکی تاریخ پر پڑھاجائےگاتاکہ آپ کلوزنگ کی تاریخ تک یوٹیلیٹی اکاؤنٹ کی ادائیگی کے ذمہ دار ہوں۔

 

اگر آپ کی پراپرٹی ٹورانٹو سٹی میں ہے اور اگر آپ کے پاس کوئی پانی کا میٹر نہیں ہے کیونکہ آپ مقررہ نرخ اداکرتے ہیں جو ہر 6 ماہ بعد واجب الادا ہوتےہیں،تو آپ کو لازمی طور پراپنے پہلے سے ادا کردہ پانی کے متعلق فوراً ہمارے آفس اطلاع کرنی چاہئیےتاکہ دوبارہ ادائیگی کیلئےمناسب ایڈجسٹمینٹس کی جاسکیں۔

 

اگر آپ کے پاس کیبل ٹیلیویژن ہے، تو براہ مہربانی کیبل کمپنی کو اپنی منتقلی سے مطلع کریں۔ آپ کو اپنی ٹیلیفوں کی سروس کو منقطع کروانےکیلئے بھی لازماًبندوبست کرناچاہئیے۔

 

رہائش گاہ جسےآپ بیچ رہے ہیں اسےسردیوں میں تیل سے گرم کیاجاتاہے، تو آپ لازمی طورپر ہمیں تحریری طور پرمطلع کریں اور ایندھن کےتیل والےٹینک کوکلوزنگ والی تاریخ تک بھروانےکابندوبست کریں اور اسی وقت ٹینک بھرنےکی قمیت اداکریں۔ کلوزنگ سے پہلےجب اپنے آخری کاغذات پر دستخط کریں تو آخری دفعہ تیل بھروانےکی رسیدکی نقل ہمارےآفس کو دی جانی چاہئیے۔ کلوزنگ کےموقع پر، جیساکہ ایڈجسٹمینٹ کی اسٹیٹمینٹ میں بتایاجاتاہےجسے ہم تیارکریں گے، آپ کو ایندھن کےتیل کے پورےٹینک کاکریڈٹ دیا جائےگا۔ اگر پورا ٹینک فراہم نہیں کیاجاتا، توکلوزنگ  پر ٹینک میں موجود تیل کی حقیقی مقدارکےبارےمیں ایک تنازعہ کھڑا ہوسکتاہے؛ کلوزنگ پرایندھن کےتیل کا ٹینک بھرنےسے، ایسےتنازعےسے بچاجاسکتاہے۔

 

For a moving checklist, please click here.

 

(g)           کلوزنگ سے پہلےقسطوں کی واجب الادا ادائیگیاں اور پوسٹ ڈیٹڈ چیکس

 

براہ مہربانی نوٹ فرمالیں کہ کوئی بھی پراپرٹی ٹیکس، عام اخراجات، یا مارگیج کی ادائیگیاں کلوزنگ کی تاریخ سے پہلےکسی تاریخ کو واجب الاداہوں توکلوزنگ سے پہلے آپ کو لازمی طور پر ان کی ادائیگی کرناچاہئیے۔ کوئی بھی پہلے سے اداکردہ ادائیگیاں جوکلوزنگ کے بعد کے عرصےکو کور کرتی ہوں تو ان کیلئے ہمارا آفس کلوزنگ پرکوئی بھی ضروری ایڈجسٹمینٹس کرےگا۔

 

خود کار ادائیگی یا پہلےسے منظور شدہ چیکنگ پلانز یا پوسٹ ڈیٹڈچیکس کے بارے میں انتباہ:  فروخت کنندہ کی حیثیت سے آپ کی یہ ذمہ داری ہےکہ اس بات کو یقینی بنائیں کہ ایسے قبل ازوقت منظورشدہ چیکنگ پلانز یاپوسٹ ڈیٹڈچیکوں کو آپ کا بینک بندکردےتاکہ کلوزنگ کی تاریخ کے بعد آپ کے اکاؤنٹ سےایسی اشیاء کی ادائیگی نہ ہوسکےجیسےکہ پراپرٹی ٹیکس کی ادائیگیاں یا عام سےاخراجات۔

 

(h)           کلوزنگ کیلئےفائل کی پراسیسنگ مکمل کرنے کیلئےلاء آفس کو درکار دستاویزات

 

مندرجہ ذیل اشیاء لاء آفس کو لازماً فراہم کی جانی چاہئیں بذریعہ فیکس یا بذریعہ ڈاک یا ان کی نقول بذات خود(جوہمارا استقبالئے پرموجود فرد آپ کیلئےتیارکرسکتاہےجس کی آپ سےکوئی قیمت نہیں لی جائےگی) جتنی جلدی ممکن ہوسکے ہمارے آفس کو پہنچا دیں تاکہ ہم کلوزنگ کی تاریخ سے پہلےکلوزنگ کی پیشگی فائل تیارکرسکیں:

 

  1. Transfer/Deedکی نقل(جو آپ کی ملکیت کی دستاویز ہے اور قانونی دستاویزات میں مل سکتی ہےجو آپ نے اس وقت حاصل کی ہوں گی جب آپ نے پراپرٹی خریدی تھی) ؛
  2. کسی بھی موجودہ مارگیجزکی تفصیلات، بشمول:
    • مارگیج کمپنی کا نام
    • پتہ اور ٹیلیفون نمبر
    • مارگیج اکاؤنٹ کےحوالےکا نمبر (اگرقابل اطلاق ہو)
  3. رواں سال کےجائیدادکےٹیکس کے بلز(بمع کلوزنگ سے پہلےکسی بھی موجودہ پراپرٹی کاٹیکس بل اور مستقبل کیلئےوصول کردہ کوئی بھی بل) اورکلوزنگ کی تاریخ سے پہلے آپ کی اداکردہ ادائیگیوں کی تفصیلات۔ (ہمیں اس سے پچھلےسال پراپرٹی ٹیکسوں میں اداکردہ کل رقم کی مقداربھی درکارہے)
  4. سروےکی نقل (اگر پراپرٹی کانڈومینیئم نہیں ہے)؛
  5. آپ کی سیل کی کلوزنگ کے بعد آپ کا آئندہ پتہ اور مستقبل کا ٹیلیفون نمبر (اگر دستیاب ہے)۔

-----------------------------------------

مفتQuoteکیلئےبراہ مہربانی نیچےکلک کریں:

-----------------------------------------

Please click below for a FREE Quote

Free Instant Online Quotation

-----------------------------------------

Stephen H. Shub, LL.B. Barrister, Solicitor

5799 Yonge St. #803, Toronto, Ontario Canada M2M 3V3

Tel. (416)222-1882 * Fax (416)222-4277* Cell (416)520-6120

Email: quote@homelegalcost.com

Copyright 2009 Stephen H. Shub